24 марта 2012 г.
ОРНИТОЛОГСЕМ Шăмăршă районĕнче сайра тĕл пулакан кайăксен – юр шĕпшĕлĕсен – картине асăрханă. Вĕсем шурă пулнăран вĕçсе хăпарсан чĕнтĕрлĕ пĕчĕк пĕлĕт евĕрлех курăнаççĕ.
Юр шĕпшĕлĕ çурçĕр Евразире тата Пăрлă океан утравĕсем çинче пурăнать. Тундрăн çеçен хирлĕ вырăнĕсенче йăва çавăрать. Çурçĕрти халăхсем – чукчасем, эскимоссем - юр шĕпшĕлĕн сăнарĕпе фольклорта анлă усă кураççĕ.
Сивĕ тата поляр каçĕсем пуçлансан асăннă кайăксем карталанса вĕçеве тухаççĕ. Хĕлле вĕсене Дон çинчи Ростовра, Аçтăрханра курма пулать.