31 марта 2012 г.
АпрелĔн 25-мĕшĕнче Чăваш чĕлхин кунне паллă тăватпăр. Çак уява тата И.Я. Яковлев çуралнăранпа – 164, Г.Н. Волков академик çуралнăранпа 85 çул çитнине халалласа мартăн 26-мĕшĕнчен пуçласа апрелĕн 27-мĕшĕччен республикăра Чăвашлăх уйăхлăхне ирттереççĕ. Йĕркелÿçĕсем – Чăваш наци конгресĕпе И.Я. Яковлев ячĕллĕ Чăваш патшалăх педагогика университечĕн этнопедагогика ăслăлăх тĕпчев институчĕ. Мартăн 26-мĕшĕнче ЧНК çуртĕнче Чăвашлăх уйăхне савăнăçлă лару-тăрура уçнă.
Уйăхлăхра нумай тĕрлĕ мероприяти ирттерме палăртнă. Çав шутра – "Кĕмĕл сасă" фестиваль-конкурс, "Этнопедагогикăна тата чăваш чĕлхине аталантарас ĕçри çивĕч ыйтусем", ЧНКпа "Хыпар" хаçатăн пĕрлехи "Чăвашла вулатпăр-и;" "çавра сĕтел" калаçăвĕсем, "Яковлев вулавĕсем" Раççей ăслăлăх практика конференцийĕ.