04 апреля 2012 г.
РАЙОНТА "Ачалăхшăн, ачалăх ячĕпе" Ыр кăмăллăх марафонĕ малалла пырать. Хальлĕхе марафон фондне 84 пин тенкĕ укçа куçарнă. Ĕç коллективĕсене уйрăммăн илсен, район администрацийĕ 7895 тенкĕ, вĕрентÿ пайĕ – 3330 тенкĕ, подстанци – 10950 тенкĕ, Госстрах уйрăмĕ – 1700 тенкĕ, аптека – 2400 тенкĕ, Патирекри тĕп шкул – 10200 тенкĕ, Перекет банкĕн уйрăмĕ – 3700 тенкĕ, Пăчăрлă Пашьел ял поселенийĕ – 1100 тенкĕ, Васан ял поселенийĕ – 1000 тенкĕ, Палтиел ял поселенийĕ – 1150 тенкĕ, Пăчăрлă Пашьел вăтам шкулĕ 1480 тенкĕ, Карапай Шăмăршăри психиконеврологи интерначĕ 6100 тенкĕ куçарнă.
Çав вăхăтрах Пуянкасси, Карапай Шăмăршă, Шăмăршă, Анат Чаткас шкулĕсенчен, Шăмăршă вăрман хуçалăхĕнчен, почта уйрăмĕнчен, ДРСУран, ЛТЦ-ран, "Сельэнерго" предприятирен, коллективлă хуçалăхсемпе уйрăм предпринимательсенчен пĕр тенкĕ те укçа кĕмен-ха.
"Ачалăхшăн, ачалăх ячĕпе" марафон малалла пырать. Чун ăшшине шеллемесĕр тăлăхсемпе чухăнрах çемьесенче пурăнакан ачасене пулăшма васкар.