07 апреля 2012 г.
ЧĂВАШ ЕН Пуçлăхĕн сайтĕнче «Виртуаллă галерея» уçăлнă. Сайтпа усă куракансем «виçĕ виçеллĕ» экскурсире республика Пуçлăхĕн йышăну, ĕç пÿлĕмĕсене, канашлу залне виртуаллă майпа кĕрсе курма, савăнăçлă пухусем тата калаçусем ирттермелли залсен капăрлăхĕпе паллашма пултараççĕ. Экскурсире интерьерăн кашни пайне тĕплĕ пăхма пулать – çывăхран чăнласа курнă пекех.
Палăртни вырăнлă: галерея хатĕрлемелли техника заданине И.Я.Яковлев ячĕллĕ Чăваш патшалăх педагогика университечĕн студентки Александра Авксентьева, ЧР Пуçлăхĕн Администрацийĕн информаципе анализ тивĕçтерĕвĕн управленийĕн информаци ресурсĕсен пайĕнче диплом умĕнхи практикăра пулнăскер, пурнăçланă.