14 апреля 2012 г.
КĂÇАЛХИ пĕрремĕш кварталта районта пурĕ 100,6 тонна аш-какай, 637,3 тонна сĕт туса илнĕ. Асăннă кăтартусем иртнĕ çулхи çак тапхăртинчен пысăкрах. Çавăн пекех, кăçал кашни ĕнерен сĕт суса илесси те ÿснĕ.
Выльăх-чĕрлĕх йышĕ те ÿсет. Хальхи вăхăтра тĕрлĕ харпăрлăхри хуçалăхсенче 1331 пуç мăйракаллă шултра выльăх тытаççĕ, 640 пуçĕ – сăвăнакан ĕнесем.
Сыснасен йышĕ те 1118 пуçа çитнĕ е пĕлтĕрхи çак вăхăтри шайран 41 процент чухлĕ ÿснĕ. Сурăхсене те кăçал пĕлтĕрхинчен 84 процент ытларах усраççĕ.
Выльăхсен ÿт хушаслăхне илес пулсан, пĕрремĕш кварталта ĕне-выльăхсем талăкра 569, сыснасем 214 грамшар хушăнса пынă. Хуçалăхсенче выльăх апачĕ çăва тухиччен çителĕклех.