14 апреля 2012 г.
2000 Çулта Раççей Федерацийĕнче, Владимир Владимирович Путин Президент хушăвĕпе килĕшÿллĕн, Раççейри ял хуçалăх банкне йĕркеленĕ. Çак организацин капиталĕ 100 проценчĕпех патшалăхăн шутланать. Унăн тĕп тĕллевĕ – ял хуçалăхне малалла аталантарма пулăшасси, ял халăхĕшĕн тăрăшасси.
Çулран-çул малалла аталанса пынă май, ял хуçалăх банкĕ Раççейри чи вăйлă тăватă банкран пĕри пулса тăнă. Шанчăклăх рейтингĕ тăрăх пăхса хакласан та вăл – çĕр-шывра малти ретре пыракан виçĕ банкран пĕри.
«Россельхозбанк» ОАОн Шăмăршăри хушма офисĕ уçăлнăранпа шăпах 5 çул çитрĕ.
– Ял хуçалăх аталанăвĕн патшалăх программине пурнăçлассинче хамăрăн тÿпене хывса, пирĕн офис ял хуçалăх предприятийĕсене, фермерсене тата килти хуçалăхсене кредитсем парса пулăшать, – терĕ Василий Федотов управляющи. – Коллектив кашни çыннăн ыйтăвне туллин пурнăçлассишĕн çине тăрса ĕçлет.
Шăмăршăри Советская урамĕнчи 9-мĕш çуртра вырнаçнă (район администрацийĕн çуртне хирĕç) ял хуçалăх банкĕн хушма офисĕнче район çыннисене яланах хапăл туса кĕтсе илеççĕ.