21 апреля 2012 г.
ЧĂВАШЛĂХА упраса хăварас, ăна аталантарас, чăваш халăхĕн культурине, йăли-йĕркине манас мар тесе тĕрлĕ мероприятисем шкул ачисен хушшинче ирттерсех тăраççĕ. Паллах, тăван чĕлхен илемлĕхне, хăватлăхне вăйлатас тĕлĕшпе республика конкурсĕн районти «Туслăх хĕлхемĕ» фестивалĕн пуçламăш тапхăрĕ иртнĕ. Унта шкулсенчи 6-9 классенче вĕренекенсем хутшăннă. Вăл тĕрлĕ номинацисемпе пулнă.
«Çăлтăрчăк» вăйă-конкурсра пĕрремĕш вырăна – Кивĕ Чукал шкулĕнчи Елена Малеева, иккĕмĕшне – Пуянкасси шкулĕнчи Кристина Андреева, виççĕмĕшне – Анат Чаткас шкулĕнчи Дарья Козловапа Палтиел шкулĕнчи Владимир Сергеев йышăннă.
Мультимедиллĕ «Чăвашлăх тĕнчи» презентацире Ксения Алюкова, Алена Львова (иккĕшĕ те Шăмăршă шкулĕ) пĕрремĕшпе иккĕмĕш, Марина Сорокинапа (Палтиел шкулĕ) Юлиана Антонова (Шăмăршă шкулĕ) виççĕмĕш вырăнсене пайларĕç.
Çĕнтерÿçĕсем иккĕмĕш тапхăра хутшăнса район чысне республикăра хÿтĕлĕç.