25 апреля 2012 г.
Çĕр хăвăрт ĕлкĕрсе пыни ял ĕçченĕсене те васкатать: уй-хирсенче тăри юрри тракторсен сассипе пĕрлешрĕ. Хуçалăхсенче хатĕр лаптăксене çийĕнчех ĕçе кĕртме тăрăшаççĕ.
Ĕнерхи кун тĕлне уй-хирте 340 гектар çинче нÿрĕк тытнă, 630 гектар нумай çул ÿсекен курăксене сÿреленĕ. Хуçалăхсенче халĕ вăрлăхсене имçамлаççĕ, çĕр улмине пĕтĕмпех яровизацилеме хунă. Çавăн пекех, акма çĕр хатĕрлес ĕçсем те пыраççĕ. Уйрăм хуçалăхсенче вара çуртрисене акма тухнă. Хальлĕхе минераллă удобренисене 460 тонна кÿрсе килнĕ, тата 320 тонна туянма килĕшÿ тунă.