03 мая 2012 г.
ÇАНТАЛĂК чăрмантаркалать пулин те районти хуçалăхсенче çурхи уй-хир ĕçĕсем малаллах пыраççĕ, çĕр ĕçченĕсем уяр çанталăкăн кашни минучĕпех туллин усă курма тăрăшаççĕ. Паянхи кун тĕлне кĕр калчисене 1120 гектар, нумай çул ÿсекен курăксене 1230 гектар сÿрелесе хăварнă, кĕр калчисене 1120 гектар çинче минераллă удобренисемпе апатлантарнă, 1830 гектар лаптăк çинче нÿрĕк тытнă, акма 1830 гектар çĕр хатĕрленĕ. Çурхи пĕрчĕллĕ тата пăрçа йышши культурăсене 8330 гектар акса хăвармалла. Ака агрегачĕсене кашни хуçалăхрах хире илсе тухнă, хальлĕхе районĕпе çуртрисене 1256 гектар акса хăварнă, вăл шутран тулă 450 гектар, урпа 720 гектар. Вăрлăхсене 1285 тонна имçамланă, 320 тонна çĕр улмине суйласа яровизацилеме хунă.