03 мая 2012 г.
ÇУТ çанталăка чăннипех юратакан çынсем вăй хураççĕ "Шăмăршă районĕнчи электричество сечĕсем" Кăнтăрти производство пĕрлешĕвĕнче, çулсеренех иртекен йывăç-тĕм лартмалли уйăхлăха хастар хутшăнаççĕ. Çуллахи шăрăх кунсенче йывăç сулхăнне ларса канни, улми-çырли пиçсе çитсен вĕсене татса тутанни хăйсемех мĕне тăраççĕ! Йывăçсемпе тĕмсем ÿссен, тавралăх та хитререх. Кăçалхи уйăхлăха хутшăнса та "çутă хуçисем" пĕрлешÿ территорийĕнче утмăл тĕп çăка, хурăн, пилеш, туя лартса хăвартăмăр. Улмуççисемпе чиесем те чиперех чĕрĕлсе вăй илессе, малашне улма-çырлапа савăнтарасса шанас килет.