12 мая 2012 г.
ХĂШ-ПĔР хирсенче типсе çитеймен лаптăксем пуррине пăхмасăр районта çурхи ака-суха ĕçĕсем малалла пыраççĕ. Ĕнерхи кун тĕлне хуçалăхсенче кĕр калчисене 1407 гектар, нумай çул ÿсекен курăксене ("Исток" ОООра) 395 гектар минераллă удобренисемпе апатлантарнă.
Кашни хуçалăхрах пĕрчĕллĕ культурăсене акаççĕ. Ку ĕçе "Мир", "Искра", "Восход", "Исток" хуçалăхсенче ыттисенчен лайăхрах йĕркеленине палăртмалла. Фермер (хресчен) хуçалăхĕсенчен "Сатеев А.И.", "Павлов В.Н.", "Макаров Г.Н.", "Хлюкин О.А." тăрăшуллăрах. Пĕрчĕллĕ культурăсене районĕпе 5452 гектар (вăл шутран 1460 гектарне фермерсем) акнă. Вăрлăхсене пурĕ 1528 тонна имçамланă, 250 тонна çĕр улмине яровизацилеме хунă.