05 мая 2012 г.
ВИÇПŸРТ ПĂРАМУНĔН мăнукĕ, Шупашкарта университетра вĕренекенскер, яла таврăннă. Хĕр пĕрчин сăрланмалли, хăйне тутлă шăрша кĕртмелли хатĕрĕсем пĕтсе çитнĕ иккен. Аслашшĕ пенси илессе кĕтет чиперкке. Кĕтнĕ кун та çитет.
– Асатте, – йăпăлтатать хĕр, кушак пек çуланкаласа, – туалет шывĕ пĕтсе çитрĕ те-ха... Пĕр флакон та çитĕччĕ...
Пăрамуншăн туалет шывĕ – хăйне майлă ăнлав.
– Эх, мăнукăм, çав япалашăн укçа тăкакламалла-и вара; – тет хайхискер. – Ун пек шĕвек хамăрăн лупас хыçĕнчи туалетра та туллиех – пĕр флакон мар, хăть витрипех тултарса кĕр! Çитменнине, песплатно.