15 июня 2012 г.
ШУПАШКАРТА "Çамрăксен хули - 2012" форум иртнĕ. Унта пирĕн районти хастар та пултаруллă хĕрсемпе яшсем те хутшăннă. Ултă кун хушшинче çамрăксем калаçусем, вĕренÿсем йĕркеленĕ, çĕнĕлĕхсене пĕлме тăрăшнă, пĕр-пĕрин опычĕпе паллашнă, спорт вăййисенче тупăшнă. Паллах, çак форум пуриншĕн те усăллă пулнă.
Вунă юхăмпа иртнĕ форум. Çавăнпа хĕр-упраçпа яш-кĕрĕм хăйсене килĕшекен, кăмăлĕсене каякан секцисене хутшăннă.
Форума Чăваш Республикин Пуçлăхĕ Михаил Игнатьев, Раççей Федерацийĕн Патшалăх Думин депутачĕсем Алена Аршиновапа Николай Валуев та хутшăннă.