23 июня 2012 г.
ЫТЛА та илĕртÿллĕ-çке улăх: тĕрлĕ тĕслĕ чечексем, вĕсем çинче – сĕрлекен пыл хурчĕсем... Юнашарах, авă, кĕмĕл саслă çăл куç шăнкăртатать: шăнкăр-шăнкăр! шăнкăр-шăнкăр! Тÿпери ирĕлсе каясла вĕри хĕвел те хăйĕн сăнне кĕмĕл пек шыва ÿкернĕ.
Сăвăри пек каласан "тĕсне пăхса савăнать".
Йăмăкăн пĕчĕк хĕрачи чупа-чупа чечек татать. Кĕçех унăн ытамĕ сарă, кăвак чечексемпе тулчĕ те. Юлашкинчен вăл вĕл-вĕл вĕçекен лĕпĕшсене асăрхарĕ, вĕсене тытма хăтланчĕ. Çук çав, тыттармаççĕ лешсем – пĕчĕк хĕрача çывхарсанах вĕлтĕртетсе вĕçсе каяççĕ, пуç çийĕн вĕçме тытăнаççĕ.
– Кукка! Кукка! – тет йăмăк хĕрĕ. – Татса пар-ха мана вĕçекен чечексене. Алă çитмест.
Пĕчĕкскер, эпĕ халиччен асăрхаманнине асăрхама пултарнă авă. Лĕпĕшсене вăл вĕçекен чечексем вырăнне хурса йышăннă. Тен, вĕсем чăнласах та вĕçекен чĕрĕ чечексемех;