11 июля 2012 г.
Чăваш Ен Пуçлăхĕ Михаил Игнатьев Краснодар крайĕн кĕпĕрнаттăрне Александр Ткачева çав тăрăхра çут çанталăк синкерне пула инкексем пулнăшăн Чăваш Ен те пĕрле хурланнине пĕлтерсе телеграмма янă. "Хисеплĕ Александр Николаевич. Республика халăхĕ ятĕнчен эпир вилнисен çемйисемпе тата тăванĕсемпе, Сирĕнпе тата Сирĕн регионта пурăнакансемпе пĕрле хурланнине пĕлтеретĕп. Шар курнисене хăвăртрах сывалма, йывăр çак кунсенче тÿсĕмлĕхпе чăтăмлăх сунатăп", – тенĕ унта. Çĕр пушă выртмасть Фермерсемшĕн те çуллахи вăхăтра ĕç нумайланать. Манăн хамăн çĕр лаптăкĕ пысăках мар – 87 гектар çеç. Кăçал унта тулăпа урпа акса хăвартăм, вĕсем начар мар çитĕнеççĕ. Çавăн пекех, килес çул вика вăрлăхĕ те шырамалла пулмĕ – хамах çитĕнтеретĕп. Тен, сутмалăх та пулĕ. Нумай çул ÿсекен курăксене те пĕрремĕш хут çултăм, паха утă хатĕрлесе хăвартăм. Мĕншĕн тесен, ялта выльăх-чĕрлĕх усрамасăр та май çук. Хуçалăхри хура пусса та çум курăк пусса илме памастăп.
«Слава» фермер (хресчен) хуçалăхĕн ертÿçи.