03 августа 2012 г.
ПĔР ялта пурăнакан хĕрарăм редакцие салам пама килнĕ: çывăх тăванĕн юбилей-мĕн. Кĕрет пÿлĕме. Сĕтел хушшинче мăйăхлă арçын ларать. Килнĕ çынпа чиперех, ăш-пиллĕн калаçать корреспондент, саламне те йышăнса юлать.
Редакцирен тухнă-тухманах хĕрарăм тепĕр çынна курать.
– Пĕлетĕн-и, – тет хайхискер, – Лукашенко чăвашла та пĕлет иккен.
– Ан калаç-ха, – тĕлĕнет тепри, – вара вăл Беларуç Президенчĕ вĕт!
– Ара, редакцире хам куçпа хам куртăм. Манпа чăн чăвашла калаçрĕ.
– Ан тĕлĕнтер...
– Тĕп-тĕрĕс. Халĕ редакцие ĕçлеме килнĕ пулас.
Çĕнĕ хыпара пĕлтерес шутпа хĕрарăм урам тăрăх малалла васкать.
... Апăрша хĕрарăмĕ пирĕн корреспондента Беларуç Республикин Президенчĕ вырăнне хурса йышăннă иккен. Ара, иккĕшĕ те пĕр сăнлă та...