08 августа 2012 г.
ТИНТЕРЕХ кăна-ха ăрша вылянă уй-хирсем куç умĕнчех пушанса пыраççĕ – тулли пучахсем, пĕрчĕсене куçса, йĕтемре вырăн тупаççĕ. Пур çĕрте те вырма пырать, уй-хир «карапĕсем» бункер хыççăн бункер çĕнĕ тырă пушатаççĕ.
Паянхи куна илес пулсан, вырма ĕçĕсем "Колос", "Восход", "Мир", "Искра" хуçалăхсенче начар мар пыраççĕ. Хальлĕхе районĕпе тыр-пула икĕ пин гектара яхăн лаптăк çинчен пухса кĕртнĕ.
Вăтам тухăç – кашни гектартан çирĕм центнер патнеллех, "Колос" хуçалăх пучахĕсем вара тата туллирех – çĕнĕ тухăç хиртен йĕтем çине гектартан çирĕм пĕр центнерпа куçать. "Восход", "Искра" хуçалăхсен кĕлечĕсем тулли пуласси те шиклентермест.
Вырмапа пĕрлех хуçалăхсенче выльăх апачĕ хатĕрлес ĕçсем те малалла пыраççĕ.