08 августа 2012 г.
Вырăссем çакна урăхларах калаççĕ-ха та, чăвашсен вара хăйсен каларăшĕ: "Кил кукăльпе илемлĕ". Питĕ витĕмлĕ, сăнарлă каланă вĕт! Енчен те çак техĕме кам хатĕрленине шута илсен;
Ыйтса илмен япала та – çĕр-шывăмăрта Суккăрсен пĕрлĕхĕ те пур. Вăл та пирĕн пекех çынсене (ан тив, хăйсене пирĕнтен нимĕнпе те кая тесе ан шутлаччăр) пĕрлештерсе тăрать – вĕсем те пурнăçран юласшăн мар – ăна пиртен ытларах та "кураççĕ-тĕр".
Çак кунсенче кăна-ха, акă, Раççейри куç курманнисен обществин районти уйрăмĕ конкурс ирттернĕ.
– Нумайлăха асра тытмалли пулăм, – палăртрĕ çакăн пирки жюри председателĕ Фаина Андронова. – Хамăр та хытах тĕлĕнтĕмĕр.
Тĕлĕнмелли вара пулман мар. Виталий Хрисанов крабран хатĕрленĕ салата, сăмахран, кирек мĕнле чаплă ресторан та хăйĕн яланхи менюне кĕртнĕ пулĕччĕ – çисе тăранмалла мар. Ыттисене те хурлама сăлтав çук – пурте маттур.