25 августа 2012 г.
ÇĔР ÇИНЧЕ кашни çыннăн хăйĕн çĕр-шывĕ, несĕлĕ, хушамачĕ пур. Эпир вара, нумайăшĕ, хамăрăн йăх мĕнле пуçланса кайнине, хушамат мĕнпе çыхăннине пĕлместпĕр. Çакна шута илсе, шкул ачисенче патриотизмла туйăм çуратас тĕллевпе Шăмăршă районĕнчи культура аталанăвĕн центрĕ "Манăн Раççей" ятпа конкурс ирттернĕ.
"Çемье тата эпĕ" çемье хроники" номинацире пĕрремĕш вырăна Шăмăршăри пĕтĕмĕшле пĕлÿ паракан вăтам шкулти Артем Егоров (10 класс) çĕнсе илнĕ. Иккĕмĕш – çак шкулти Анастасия Петрова (4 "а" класс), виççĕмĕш – Карапай Шăмăршăри пĕтĕмĕшле пĕлÿ паракан вăтам шкулти Ольга Трофимова, Анна Кондратьева, Денис Столяров тата Елена Столярова. Çак вĕренекенсене конкурс ĕçĕсене пурнăçлама Галина Веденеева, Ирина Ухваркина, Ирина Столярова вĕрентекенсем пулăшнă.
Çавăн пекех Александра Полковникова (Шăмăршă шкулĕ), Ксения Матвеева (Пăчăрлă Пашьел шкулĕ), Инна Федотова (Пуянкасси шкулĕ) тата Александра Краснова (Асанкассинчи пуçламăш шкул-ача сачĕ) ĕçĕсене те пысăк хак панă.
Çĕнтерÿçĕсене Грамотăсем парса чысланă.