05 сентября 2012 г.
УЙРĂМ çынсем 2011 çулшăн транспорт налукне тÿлемелли юлашки кун ноябрь уйăхĕн 1-мĕшĕнчен ноябрь уйăхĕн 5-мĕшне куçать. Федераци налук службин республикăри управленийĕнчен пĕлтернĕ тăрăх – çакă Чăваш Республикин 2011 çулхи июль уйăхĕн 23-мĕшĕнче "Раççей Федерацийĕн субъекчĕсем тытса пымалли налуксене йĕркелесе пымалли ыйтусем çинчен" йышăннă 38-мĕш саккунне тÿрлетÿ кĕртнипе сăлтавланнă. Унпа килĕшÿллĕн налук тÿлемелли вăхăта "тÿрлетнĕ" (Чăваш Республикин 2012 çулхи июлĕн 30-мĕшĕнче йышăннă 45-мĕш саккунĕ).
Асăннă улшăну кăçалхи сентябрь уйăхĕн 1-мĕшĕнчен вăя кĕрет, 2011 çултан тытăнса право хутшăнăвĕсене пырса тивет.
ФНСăн республикăри управленийĕ атомобиль хуçисене иртнĕ çулшăн транспорт налукне вăхăтра тÿлемелли çинчен аса илтерет.