08 сентября 2012 г.
КИВĔ ЧУКАЛТИ Партизанская урамĕнчи Михаилпа Вера Тридворновсем хăйсен кил хуçалăхĕнче çуллен йышлă выльăх-чĕрлĕх тытаççĕ. Хальхи вăхăтра ĕçчен çемье картишĕнче – лаша, ĕнепе вăкăр, 4 сысна, йышлă чăх-чĕп. Маларах 2 ĕне те усранă пулнă, пĕрне сутнă.
Тридворновсем çуллен вăкăр е пушмак пăру, сысна çурисем сутса çемье бюджетне хушма укçа-тенкĕпе пуянлатаççĕ. Ытлашши сĕте куллен предприниматель йышăнать.
Выльăх-чĕрлĕх валли, паллах, çими те нумай кирлĕ. Утă хатĕрлеме ывăлĕпе хĕрĕ, Алексейпе Мария, та пулăшаççĕ. Килти пахчара вара çемье тухăçлă çĕр улми, выльăх кăшманĕ çитĕнтерет.
Çине тăрсан, ÿркенмесен выльăх-чĕрлĕх усрасах самаях тупăштарса пыма пулать.