10 ноября 2012 г.
ПАЛТИЕЛĔНЧИ пĕтĕмĕшле пĕлÿ паракан вăтам шкулта 11 класра ăс пухакан Замире Вахитова пĕтĕм тĕнчери халăхсен тутар чĕлхин тата литературин олимпиадине хутшăннă. Хусан хулине çĕр ытла вĕренекен, студент Раççейрен тата ют çĕр-шывсенчен килсе хăйсен пĕлĕвне тĕрĕсленĕ. Конкурса хутшăннисем калаçура, çыру ĕçĕнче, тутар халăхĕн историйĕпе культурин пĕлĕвĕнче, эссе çырассинче, художество пултарулăх конкурсĕнче тата ыттинче тупăшнă.
Олимпиадăна хастар хутшăннăшăн Замирене Дипломпа, кубокпа тата хаклă парнепе чысланă.