Публикации » Даша – виççĕмĕш

КАШНИ çулах республикăра чăваш чĕлхи кунне халалласа «Туслăх хĕлхемĕ» фестиваль йĕркелеççĕ. Кăçал вăл Шупашкарта апрелĕн 19-мĕшĕнче иртнĕ. Çак фестивальте район чысне Шăмăршăри пĕтĕмĕшле пĕлÿ паракан вăтам шкулта 9 класра ăс пухакан Дария Семенова хÿтĕленĕ. «Чĕлхе – халăх мулĕ», «Илемлĕх тĕнчи», «И.Я.Яковлев – чăваш халăхне çутта кăлараканĕ», «Тупмалли юмахсемпе ваттисен сăмахĕсем», «Пирĕн пултарулăх» ятлă конкурссемпе тестсем витĕр тухса Виçпÿрт Шăмăршă пики виççĕмĕш вырăн çĕнсе илнĕ. Пултаруллă та пуçаруллă Даша вĕренÿре лайăх паллăсемпе кăна ĕлкĕрсе пырать, спортпа туслă. Çавăн пекех юрă-ташăра та маттур вăл. Ăна концертсенче, тĕрлĕ конкурссенче курма пулать. Вăл ялти "Виçпÿрт çеçкисем" фольклор ушкăнне те çÿрет, обществăлла ĕçсене те хастар хутшăнать.

Л.СЕМЕНОВА,

вĕрентекен.