Публикации » Пĕр тĕллев патне çитнĕ

Чăваш Республикин пиллĕкмĕш суйлаври Патшалăх Канашĕн вун иккĕмĕш сессийĕн кун йĕркине хальхинче 20 ыйту кĕртнĕ. Вĕсенчен чылайăшĕ – ку е вăл саккун актне улшăнусемпе хушăмсем кĕртесси çинчен.

Кун йĕркинчи пĕрремĕш ыйтăва сÿтсе явма Чăваш Ен Пуçлăхне сĕннĕ. Раççей Федерацийĕн саккунĕсем улшăннă май субъектсен хăйсенне вĕсемпе пĕр пеклетме тивет. Хальхи Чăваш Республикин Министрсен Кабинечĕн полномочийĕсем, тĕрĕсрех – саккунăн 11-мĕш тата 13-мĕш статйисене улшăнусем кĕртесси çинчен сăмах пырать. Депутатсем ăна икĕ вулавпа йышăннă.

Чăваш Республикин «Чăваш Республикинчи граждансен сывлăхне упрасси çинчен» саккунне улшăнусем кĕртесси çинчен» саккун проекчĕ Депутатсен хушшинче тĕрлĕ шухăшлăх çуратнă пулсан та, тавлашсан пур пĕрех пĕр тĕллев патне çитсе тухнă.

Хамăр республикăн «Çут çанталăкăн сиплев ресурсĕсем, сиплев вырăнĕсем тата курортсем çинчен», «Вырăнти хăй тытăмлăх органĕсене патшалăхăн уйрăм полномочийĕсемпе тивĕçтересси çинчен» саккунĕсене улшăнусем кĕртнĕ, патшалăх пурлăхне приватизацилемелли прогноз планĕ (программа) мĕнле пурнăçланнине тишкернĕ, муниципалитет пурлăхĕн приватизацийĕн кăтартăвĕсене хакланă. Инвалидсем валли ĕç вырăнĕ-сем квотăлас ыйтăва çĕкленĕ, миравай судьясене çирĕплетнĕ.

Ю.Степанов.