Публикации » Çĕнĕ пуçлăх яваплă должноçа йышăннă

Апрелĕн 24-мĕшĕнче Шăмăршă ял тăрăхĕн администрацийĕнче инаугураци иртрĕ. Çак кун Шăмăршă ял тăрăхĕн пуçлăхĕ Андрей Петрович Вазанов официаллă майпа яваплă должноçа йышăннă (суйлав апрелĕн 14-мĕшĕнче иртнĕ).

Ку мероприятире район администрацийĕн пуçлăхĕ Валерий Петрович Фадеев, Шăмăршă ял тăрăхĕн депутачĕсем тата активисчĕсем пулнă.

Çĕнĕрен суйланнă ял тăрăхĕн пуçлăхне Андрей Вазанова район администрацийĕн пуçлăхĕ Валерий Фадеев ăшшăн саламланă, удостоверени панă. Яваплă ĕçре ăнăçу суннă май Валерий Петрович çĕнĕ пуçлăхăн ял тăрăхне малалла аталантарассишĕн, ял çыннисен пурнăç условийĕсене лайăхлатассишĕн, ялсене, урамсене тирпей-илем кÿрессишĕн çине тăрса ĕçлемеллине, ĕç коллективĕсемпе, общественноçпа çыхăнса пĕрле вăй хумаллине палăртнă. Кун хыççăн Андрей Вазанов ял тăрăхĕн çыннисемшĕн тăрăшса ĕçлеме халăх шанăçне тÿрре кăларма тупа тунă.