Публикации » Йывăç ларт – ăна упра

Кашни çулах пирĕн районта Чăваш Республикин Пуçлăхĕн указĕпе килĕшÿллĕн йывăç кунĕ иртет. Кăçал ăна майăн 3-7, октябрĕн 7-11 кунĕ-сенче туса ирттерме палăртнă. Акци «Йывăç ларт – ăна упра» ятпа иртет.

Пирĕн районшăн кун пек акцисем йăлана кĕнĕ. Ку, паллах, çитĕнекен ăрушăн кăтартуллă тĕслĕх. Енчен те эпир ачасене пĕчĕкренех çут çанталăка юратма, упрама вĕрентрĕмĕр пулсан, ку вăл пуласлăхшăн ырă пулăм.

Экологи акцине ирттерме ятарлă план хатĕрленĕ. Планпа килĕшÿллĕн парксенче, скверсенче çамрăк хунавсене шкул ачисем, çамрăксем, учрежденипе предприятисенче ĕçлекенсем лартĕç.

Йывăç лартас тапхăрта ял тăрăхĕсен пуçлăхĕсен умне ялти çырма хĕррисенче ÿсекен çамрăк хунавсене сыхласа хăварас тĕллев лартнă. Вĕсене пулăшма районти кашни çынна хутшăнма чĕнетпĕр. «Ырă ĕç туни сăвап», – тенĕ ĕлĕкренех ватă çынсем.

В. ДАВЫДОВ,

эколог.