Публикации » Ĕçпе кану юнашарах

Кашни çулах Пăчăрлă Пашьелĕнчи пĕтĕмĕшле пĕлÿ паракан вăтам шкулта аслăрах классенче вĕренекенсем районти халăха ĕçпе тивĕçтерекен центр урлă хăйсем валли укçа ĕçлесе илес тесе ĕçе вырнаçаççĕ. Шкулти «Юность» ĕç бригади кăçал та хастар вăй хуратех ĕнтĕ. Хĕрсемпе каччăсем ĕçе пуçăннă та, вĕсем ял тăрăхĕн пуçлăхĕ- пе, В.Угаринпа пĕрле ял урамĕсене çÿп-çаппа тасамарлăхран тасатнă. Çавăн пекех асфальтлă çул хĕрринче тирпей-илем тăвас тĕлĕшпе тимленĕ. Ушкăнпа ĕç те кал-кал пынă.

Ĕç бригадине сахал тупăшлă, тулли мар çемьесенче çитĕнекен, хăрушлăх кăларса тăратма пултаракан ачасене те явăçтарнă. Çуллахи каникулта вĕренекенсем вăхăтне усăллă ирттерĕç, ĕçпе кану вĕсемшĕн юнашарах пулĕ.

Н.УГАРИНА.