Публикации » Çĕр лаптăкĕсемпе тивĕçтереççĕ

Пĕтĕм тĕнчери ачасене хÿтĕлемелли кун умĕн, районти нумай ачаллă çемьесем çĕр участокĕ-сен сертификачĕсене илнĕ.

Пирĕн районта Чăваш Республикин нумай ачаллă çемьесене тÿлевсĕрех çĕр лаптăкĕсем уйăрса парасси çинчен калакан саккунĕ çирĕп пурнăçланса пырать. Майăн 31-мĕшĕнче, акă, Шăмăршă ял тăрăхĕн территорийĕнче пурăнакан çакнашкал 8 çемьене çĕр участокĕн сертификатне панă.

Паянхи кун тĕлне районта нумай ачаллă çемьесем валли 78 çĕр участокĕ уйăрса хунă. Учета çакнашкал 69 çемьене тăратнă. Хальхи вăхăтра 62 çемьене тÿлевсĕр çĕр лаптăкĕпе тивĕçтернĕ. Çак çĕр участокĕсене нумай ачаллă çемьесене çурт-йĕр çавăрма е дача тума, хушма хуçалăх йĕркелеме параççĕ. Ку, паллах, вĕсемшĕн сисĕмлĕ пулăшу пулса тăрать.

И.КУЗЬМИНА,

район администрацийĕн экономика пайĕн

тĕп специалисчĕ.