Публикации » Автокараван çула тухнă

ВЫРСАРНИ кун Мускавра Пĕтĕм тĕнчери пĕрремĕш «Аслă Атăл» автокараван старт илнĕ. 12 кунра Раççейри тата Европăри 20 ытла экипаж юхан шыв хĕрринче вырнаçнă хуласемпе ялсенче пулĕ.

Тĕрлĕ вырăнта ĕçлекен 100 ытла çын – автотуристсем, журналистсем, чиновниксем, ыттисем – çăмăл машинăсемпе тата автобуссемпе çула тухнă. Автокараван Мускав – Чул хула – Шупашкар – Йошкар-Ола – Хусан – Самара – Чĕмпĕр маршрутпа иртнĕ.

Çак маршрут ĕлĕк тĕп суту-илÿ çулĕ пулнă, анчах шыв çинче. Хальхи вăхăтра автотуризм çултан çул анлăланса пырать, çакна специалистсем инфратытăм лайăхланнипе çыхăнтараççĕ.

Чăваш Ен тĕп хулине автокараван паян, июнь уйăхĕн 5-мĕшĕнче çитĕ. Кунта автотуристсем Шупашкарпа паллашĕç, çавăн пекех Чăваш наци музейĕнче, «Росинка» физкультурăпа сиплев центрĕнче, Василий Чапаев тата сăра музейĕсенче пулса курĕç.