Сидоровсем патне тăванĕ хăнана килет.
– Симочка, – алăкран кĕнĕ-кĕмен калаçтарать вăл пиллĕкри хĕр ачана. – Аçупа аннÿ мĕнлерех пурăнаççĕ-ха;
– Вĕсен куçĕсем начар кураççĕ.
– Мĕншĕн çапла шутлатăн эсĕ; – тет инкĕшĕ.
– Эсĕ пирĕн пата хăнана килесси пирки телефонпа шăнкăравласан атте: «Куçăмпа курмăттăм эпĕ çак йăлăхтармăш хĕрарăма», – терĕ. «Манăн та ăна курас килмест», – хушса хучĕ анне.
Çул-йĕр инспекторĕ автомашинăна чарать.
– Эсир ÿсĕр! – тет вăл водителе.
– Мĕскер эсир, эпĕ урă! – хирĕçлет лешĕ.
– Атьăр-ха, вĕрĕр, – водитель тути умне трубка илсе пырать инспектор.
Водитель вĕрнĕ хыççăн полици сотрудникĕ трубкăна тĕплĕн тĕрĕслет.
– Тĕлĕнмелле... Тепĕр хут вĕрĕр-ха! – хушать вăл водителе.
Прибор каллех нимĕн те кăтартмасть.
– Прибор çĕмĕрĕлнĕ пулинех, – мăкăртатать инспектор.
Инспектор хăй вĕрсе пăхать.
– Ĕçлет иккен...