РАЙОН администрацийĕн йышăнăвĕпе килĕшÿ-ллĕн çамрăксем хушшинче иртекен «Çулталăкри чи лайăх çамрăк специалист» конкурс пуласси пирки пĕлтернĕ. Конкурса 30 çула çитмен çамрăк специалистсем хутшăнма пултараççĕ.
Специалистсен кăтартăвĕсене çакăн пек номинацисемпе хаклаççĕ:
1. Сывлăх сыхлавĕнчи чи пултаруллă çамрăк ĕçчен;
2. Вĕрентÿри чи пултаруллă çамрăк ĕçчен;
3. Чи пултаруллă çамрăк культура ĕçченĕ;
4. Ял хуçалăхри чи пултаруллă çамрăк ĕçчен;
5. Вăрман хуçалăхĕнчи чи пултаруллă çамрăк ĕçчен;
6. Чи пултаруллă çамрăк суту-илÿ ĕçченĕ;
7. Промышленноçри чи пултаруллă çамрăк ĕçчен;
8. Муниципалитет (патшалăх) службинчи чи пултаруллă çамрăк ĕçчен;
9. Йĕрке управĕн таврашĕнчи чи пултаруллă çамрăк ĕçчен;
10. Патшалăхăн çамрăксен политикин чи пултаруллă активисчĕ, общественникĕ.
Конкурсăн кăтартăвĕсене июнĕн 26-мĕшĕнче пĕтĕмлетеççĕ.
Тĕплĕнрех район администрацийĕн сайчĕ çине кĕрсе е вĕрентÿ тата çамрăксен политики пайне 2-32-26 номерпе шăнкăравласа пĕлме пултаратăр.
Э.ФИЛИППОВА.