Публикации » Юсав ĕçĕсем пуçланнă

Районта кашни çулах шкулсенче юсав ĕçĕсем ирттереççĕ. Кăçал çак ĕçсем Пуянкассинчи тата Кивĕ Чукалти пĕтĕмĕшле пĕлÿ паракан тĕп шкулсенче пурнăçланĕç.

Пуянкассинчи шкулăн çивиттине, урайне, чÿ- речесене улăштармалла, туалет, канализаци хута ямалла. Çакăн валли 2420 пин тенкĕ укçа уйăрнă. Кивĕ Чукалти шкулта чÿречесене улăштармалла, спорт залне, шкула кĕрекен вырăна, канализацие юсамалла, шыв пăрăхне çĕнетмелле. Пĕтĕмпе çакна пурнăçлама 2440 пин тенкĕ куçарнă.

Паллах, ытти шкулсенче те чÿречесене, партăсене, урайсене сăрласа çĕнĕ сăн кĕртĕç.

Ытти çулсенчи пекех, ачасем сентябрĕн 1-мĕшĕнче сăрласа илемлетнĕ классене кĕрсе ларĕç, пĕлÿ тĕнчине кĕрĕç.

Н.ИГНАТЬЕВА.