Публикации » Туй – çĕнĕ çемье пуçламăшĕ

Район администрацийĕн ЗАГС пайĕнче тутарсен туйне регистрациленĕ. Ăна авалхи тутарсен йăли-йĕ-ркине тĕпе хурса йĕркеленĕ. «Айăпа» кĕнисем Палтиел ял тăрăхĕнчи – Ранис Шайдулловпа Рилия Мухаметзянова. Икĕ çамрăк аслашшĕ-асламăшĕн, кукашшĕ-кукамăшĕн йăлине тĕпе хурса, манăçа кăлармасăр чаплă туй тума малтанах калаçса татăлнă. Хĕрпе каччăн ырă шухăшне ЗАГС пайĕн ĕçченĕсем те ырласа йышăннă. Паллах, ертсе пыма тутар çыннине Гельсине Сагдеевана ыйтнă. Туй чăнах та шеп пулнă.

Çамрăк мăшăра саламласа тутар юррисем шăраннă, хÿхĕм ташăсем çаптарнă. Чак-чак та (хĕр хăналакан апат) кунта пысăк пĕлтерĕшлĕ пулнă. «Çак апат пек сирĕн пурнăçăр пылак пултăр», – тесе суннă, хĕрпе качча пылпа услам çу хыптарнă.

Тутар туйĕнче чи пĕлтерĕшли – никах, тĕн йăли-йĕ- рки. Никаха хĕр килĕнче мулла ирттернĕ, Коранри йĕркесене вуланă. Тутарсен çакнашкал ирттернĕ туйĕ-сем çирĕп пулаççĕ, çемье килĕшÿпе татулăхра пурăнать.

ЗАГС ĕçченĕсем çамрăк çемьене нумай-нумай çул пĕр-пĕрне юратса пурăнма, ача-пăчаллă пулма суннă.

Е.ФЕДОРОВА, райадминистрацин ЗАГС пайĕн ертÿçи.