Публикации » Каникул усăллă ирттĕр

ЧĂВАШ Республикин Шалти ĕçсен министрĕн приказĕпе килĕшÿллĕн, ачасен çуллахи каникулĕ вăхăтĕнче республикăра, çав шутра пирĕн районта та, «Çул çитмен çамрăк» профилактика операцийĕ иртет. Ăна 3 тапхăрпа йĕркелеççĕ. Июнĕн 18-мĕшĕнчен пуçласа июнĕн 28-мĕшĕччен операцин пĕрремĕш тапхăрĕ иртрĕ.

Полицин районти уйрăмĕн сотрудникĕсем çак тапхăрта профилактика субъекчĕсен ытти ĕçченĕ-семпе пĕрле, малтан палăртнă графикпа килĕшÿ-ллĕн, ялсене çÿрерĕç, çул çитменнисем право йĕркисене мĕнлерех пурнăçланине, çул-йĕр хăрушсăрлăх йĕркисене еплерех пăхăннине, урамра е обществăлла вырăнсенче хăйсене еплерех тытнине (ÿсĕр мар-и, табак туртмаççĕ-и, наркотиксемпе усă курни палăрмасть-и;) тата ыттине тĕрĕслерĕç. Пĕрлех социаллăх тĕлĕшпе йывăртарах лару-тăру хуçаланакан çемьесенче ачасем еплерех пурăннипе те кăсăкланчĕç (ачасем усăсăр – унта-кунта çапкаланса çÿремеççĕ-и, ашшĕ-амăшĕ хăйĕн тивĕçне кирлĕ пек пурнăçлать-и;).

Июлĕн 15-24-мĕшĕсенче операцин иккĕмĕш, августăн 5-14-мĕшĕсенче виççĕмĕш тапхăрĕсем иртмелли пирки те асăнса хăварас килет.

Каникул кунĕсене ачасем усăллă та интереслĕ ирттерчĕр тесе тăрăшасси пирки ашшĕ-амăшĕн манмалла мар. Ачасене килти хуçалăхра юнашар тăратса ĕçлеттермелле. Ĕçпе кану юнашар пыччĕр.

Н.МАЗЯКОВА,

полицин çул çитменсемпе ĕçлекен инспекторĕ.