Публикации » IP-телефон меллĕрех

ЧР Информаци политикипе массăллă коммуникацисен министерстви республикăн влаç органĕ-сене телефонпа тивĕçтермелли пысăк проекта вĕçлет. Офис IP-телефонĕн системине Чăваш Енре 2012 çултах ĕçе кĕртме тытăннă. Çĕнĕ тытăмăн лайăх енĕсене чи малтан Чăваш Ен Пуçлăхĕн Администрацийĕн, Финанс, Экономика, Сывлăх сыхлавĕн, Юстици тата Информаци политикин министерствисен ĕçченĕсем хаклама пултарнă.

2013 çулта çак системăпа республикăри пĕтĕм министерствăпа ведомство çыхăннă, çав шутрах – ЧР Патшалăх Канашĕ те. Планпа килĕшÿллĕн IP-телефонсене Чăваш Ен муниципалитечĕсенче те лартма хатĕрленеççĕ.

IP-телефонсем хуласен хушшинчи тата тĕнче шайĕнчи телефон калаçăвĕсен хакĕсене чакарма пулăшаççĕ, хăйсен хакне темиçе çултах кăлараççĕ. Унсăр пуçне вĕсен функци майĕсем те анлăрах: шăнкăравсене куçарма тата кампа калаçнин историне пăхма, сасă почтине тата адреса улăштармалли меслете вырнаçтарма, аудио тата видеоконференцисене хутшăнма пулать.

И.НИКОЛАЕВА.