Публикации » «Хăрушсăрлăх çĕр-шывне» йыхравлаççĕ

Рассейри чрезвычайлă лару-тăрусен министерстви (МЧС) шкул ачисенчен «Хăрушсăрлăх çĕр-шывĕ» ÿкерчĕксен конкурсне харпăр хăй ĕçĕсене малалла йышăнать.

Вăл Пĕтĕм Раççейри «Хăрушсăрлăх культури» вĕренÿ проекчĕн картинче иртет. Конкурс тĕллевĕ – кулленхи пурнăçри тата чрезвычайлă лару-тăрусенчи тĕп хăрушсăрлăх правилисене пысăк интереспе вĕренесси тата пĕтĕмĕшле пĕлÿ паракан учрежденисенче вĕренекенсен хăрушсăрлăх тĕлĕшĕнчи хатĕрленĕвне ÿстересси.

Ÿкерчĕксен конкурсне вĕренÿ учрежденийĕ-сенчи ÿсĕмĕпе 6-17 çулсенчи ачасем хутшăнма пултараççĕ. Ÿкерчĕксене кăранташпа, фломастерпа, гуашьпа, пастельпе, çупа коллаж форма- чĕпе тата ыттипе те тума юрать. Конкурса хутшăнакан пур ÿкерчĕкре те «Юльăпа Ромăн чрезвычайлă приключенийĕсем» видео-пособипе тÿррем- ĕнех çыхăннă сюжетсем çак темăсемпе пулмалла: шывра, вăрманта харпăр хăйне тытмалли правилăсем, пушар хăрушсăрлăхĕ, транспорт çинчи хăрушсăрлăх. Ÿкерчĕк формачĕ А3 (420 мм х 297 мм).

Конкурса хутшăнмалли заявкăсене 2013 çулхи ноябрĕн 15-мĕшĕччен йышăнаççĕ.

ЧР Информполитика министерстви.