Публикации » Мускав татса парĕ

Çуркунне Шăмăршăра плотинăри шыв юхса кайрĕ. Пĕлекенсем каланă тăрăх, пĕве çурăлнă имĕш. Ăна юсама палăртнă-ши; Шывсăр питĕ кансĕр-çке. Шăмăршăра та, Çĕнĕ Шăмăршăра та хур-кăвакал усракансем йышлă. Кайăк-кĕшĕк те шывра чăмпăлтатасшăн. Хамăрăн та шăрăхра шыва кĕрсе уçăлас килет.

И.Михайлова.

Шăмăршă ялĕ.

– Юсатпăрах, – терĕ çак ыйту пирки район администрацийĕн ял хуçалăхĕпе экологи пайĕн тĕп специалисчĕ В.Давыдов. – Ĕçсене пурнăçлама смета докуменчĕсем хатĕрлесе çитернĕ, Мускава ярса панă. Ку ыйту та укçа-тенкĕ- пе çыхăннă. Тăкаксем сахал мар пулĕç, нухрачĕ те пайтах кирлĕ пулĕ. Ыйтăва шăпах унта татса парĕç.

Плотина вара пулатех, Шăмăршăсемпе Çĕнĕ Шăмăршăсем малашне шывсăр юлмĕç.