Публикации » Ырă кăмăллă сутуçăсем

Сахал яваплă «Шемуршинский коопторг» общество сетĕнчи лавккасенче, апатлану точкисенче ырă кăмăллă та тарават сутуçăсем, поварсем вăй хураççĕ. Вĕсем тавар туянакансемпе, апат çиме пыракансемпе – ватăсемпе те, ачасемпе те – ăшшăн калаçаççĕ. Пуянкассинчи «Куллен кирлĕ таварсем» лавккара ĕçлекен Любовьпа Анатолий Юмановсем пирки те çакнах каламалла. Кашни кун вĕсем вун-вун çынна таварпа тивĕçтереççĕ. Ĕçчен те маттур сутуçăсен ĕçĕпе ял çыннисем те, пуçлăхсем те кăмăллă.

Сире, районти суту-илÿ точкисенче вăй хуракансене, професси уявĕ ячĕпе чун-чĕререн ăшшăн саламлатпăр! Ĕçĕрсем яланах ăнса пыччăр, кăмăлăрсем ырă пулччăр!

А.МИХАЙЛОВ.