Публикации » Çĕр улми кăлараççĕ

ÇĔР улмине ахальтен мар «иккĕмĕш çăкăр» тетпĕр. Сортсене пĕлсе суйласа илсен, лайăх пăхса ÿстерсен вăл сахал мар тупăш пама пултарать. Ир çитĕнекенни – пушшех те. Çакна шута илсех пулĕ ялсенче килти хушма хуçалăхсенче çак сортсене лартса ÿстерекенсен йышĕ ÿс- сех пырать.

Август уйăхне кĕнĕ май, ирхи çĕр улмине кăларма та вăхăт çитрĕ. Ял хуçалăхĕпе экологи пайĕнчен пĕлтернĕ тăрăх, ăна хальлĕхе килти хушма хуçалăхсенче 10 гектар ытла кăларнă. Çынсенчен ыйтса пĕлсе пĕтĕмлетÿсем тунă тăрăх, вăтам тухăç – гектар пуçне 130 центнертан кая мар.

Пасарта халĕ çĕнĕ çĕр улмин 1 килограмĕ 17-18 тенкĕ-рен кая мар теççĕ. Апла пулсан, ăна сутса çемье бюджетне самаях пуянлатма пулать.

В.НИКОЛАЕВ.