19 декабря 2012 г.
ÇĔНĔ ÇУЛ çывхарнăçем çывхарать. Хĕл Мучи те кучченеç-парнепе миххине тултарса çитерчĕ ĕнтĕ. Елкăсене çитсе ачасене савăнтарасси те инçетре мар. Мĕн каламалли, ачасем кăна мар, çитĕннисем те Çĕнĕ çула чăтăмсăррăн кĕтеççĕ. Урамсенче гирлянда çутисем йăлтăртатни чун-чĕрене савăнтарать, капăр чăрăш кăмăла çĕклет.
Хаваслă уяв кунĕсенче, хĕллехи каникул вăхăтĕнче, инкек-синкек сиксе тухасран сыхланмалла. Иртĕнсе кайса эрех-сăра ĕçер мар, вут-çулăмпа, çут çанталăк газĕпе, электричество приборĕсемпе асăрхануллă пулар. Хамăр пурнăçшăн хамăрах яваплине манар мар.