Публикации » Çăлсене тирпейлесчĕ

ÇĔНĔ ЧУКАЛ ялĕ таврашĕнче çăл куçсем нумай. Ял витĕр юхакан çырма та вĕсенчен чĕр кĕмĕл пек шывран вăй илет.

Пусăсене çăлсемпе танлаштараймăн: çăл куç шывĕ чылай тасарах, сиплĕрех. Çавăнпах ĕнтĕ ял çыннисем çăл шывĕпе ытларах усă кураççĕ.

Ĕлĕкрех, колхоз пулнă чух, çăлсене эрозие хирĕç кĕрешекен ятарлă звено пăхса тăратчĕ: тасататчĕ, çĕрĕшме пуçланă пурисене улăштаратчĕ, вĕсем патне пымалли çулсене тирпейлетчĕ. Колхозсем пĕтнĕ хыççăн çакă никама та кирлĕ мар пулса тăчĕ.

Уйрăмах Шур чулти çăл куçсене шел. Мĕншĕн тесен вĕсен таврашĕнче кĕтÿ çÿрет, выльăхсем çăлранах шыв ĕçеççĕ, çавăнтах каяшпа вараласа хăвараççĕ. Тасамарлăх вара шыва сăрхăнать. Çăлсене пурасем ярсан апла пулмĕччĕ те – тăрăшакан çук. Тăкакĕ те нумаях мар. Пуçаруçă çеç кирлĕ.

Н.УЛЮКОВ.

Çĕнĕ Чукал.