Публикации » Пĕрлехи номер, 112

КăÇалхи август уйăхĕн 12-мĕшĕнчен Раççейре васкавлă службăсене хăвăрт чĕнсе илмелли пĕрлехи номер çинчен калакан саккун вăя кĕнĕ. Вăл – 112 (Америкăри – 911 тата Европăри 112 номерсен тĕслĕхĕпе).

Асăннă номерпе халĕ кĕсье телефонĕпе кăна мар, пÿлĕмри (стационар) телефонпа та васкавлă пулăшу паракан службăсем патне шăнкăравлама пулать. Унччен сăнав майĕпе ку номерпе темиçе регионра, çав шутра – Чăваш Енре, пĕр-пĕр пăтăрмах çинчен е полицие, е Чрезвычайлă лару-тăру министерствин регионри управленине, е «Васкавлă медицина пулăшăвĕ» учрежденине пĕлтернĕ. 112 службăн модельне йĕркелеме хăй вăхăтĕнче Канаш хулине суйласа илнĕ.

Малтанхи «01», «02», «03», «04» номерсем те хальлĕхе – çĕнĕ тытăм ĕçлесе кайиччен, 2017 çулччен – вăйра пулĕç.