Публикации » Тетте кăна тетпĕр те…

ÇУК иккен: ача-пăча тетти те хăрушлăх кăларса тăратать. Çавна май потребительсене хÿтĕлекен Федераллă управленин Чăваш Республикинчи хÿтĕлев сферин Патăрьелĕнчи уйрăмĕ потребительсемпе сутуçăсене кăçалхи июлĕн 1-мĕшĕнчен вара Таможня союзĕн (Раççей, Белоруç, Казахстан) территорийĕнче вăйра тăракан пĕрлехи требованисем пурри пирки аса илтерет.

Вĕсене «Ача-пăчан хăрушсăрлăхĕ» техника регламенчĕпе килĕшÿллĕн çирĕ-плетнĕ.

Регламентпа килĕшÿллĕн, ача-пăча вылямалли тетте уншăн хăрушлăх кăларса тăратмалла мар. Сăмахран, виçĕ çула çитмен пепкесемшĕн çăмран, тиртен, кĕленчепе хутран хатĕрленĕ теттесем сиенлĕ шутланаççĕ. Вĕсенче пĕрремĕш класлă хăрушлăхри хутăшсем (чĕр кĕмĕл, хлорлă ванил) пулмалла мар. Çавăн пекех теттесен шанчăклă хупписем пулмалла: вĕсем нÿрĕке те чăтма пултарччăр.

Теттесен чăтăмлăхĕ те пулмалла: вĕсене çирĕплетнĕ детальсене, мĕнлерех вырнаçтарнине туяннă чух тĕплĕн тĕрĕслемелле. Теттесенче тăрăнма, касма пултаракан япаласем те пулмалла мар.

Теттесен курупкисем çинче ятарлă паллăсем пулмалла: маркировка, вĕсенче вăл е ку япалапа усă курмалли, вĕсене пуçтармалли инструкци, таварпа хăçанччен усă курмалли информаци.

И.ПАЙМУЛЛИНА,

Роспотребнадзорăн Чăваш Республикин территори управленийĕн Патăрьел районĕнчи специалист-эксперчĕ.