Публикации » Министр çумĕ те кăмăллă

Ĕçлĕ лару-тăрура тĕл пулма тиврĕ Чăваш Республикин çут çанталăк ресурсĕсен тата экологи министрĕн çумĕ- пе А.Яковлевпа, Шăмăршă вăрман хуçалăхĕн ертÿçипе В.Глуховпа. Канашламалли, сÿтсе явмалли вара тупăнсах тăрать. Çумра фото аппарат пурччĕ те, çак саманта ÿкерсе илесех терĕм.

– Шăмăршă тăрăхĕнче пĕрремĕш хут мар эпĕ, – терĕ Анатолий Петрович. – Хам – кÿршĕллĕ Патăрьел районĕнчех çуралса ÿснĕ. Çавăнпах республикăмăрăн кăнтăр районĕсене, уйрăмах вăрмансене чун туртать.

Министр çумĕ Шăмăршăри вăрман лесничествин ĕçĕпе кăмăллă пулнине те палăртрĕ.

– Ĕçчен, маттур çынсем вăй хураççĕ кунта, – терĕ вăл. – Çавăнпах лесничество республикăра та чи лайăххисенчен пĕри шутланать.

В.МИХАЙЛОВ.