Публикации » Çамрăксемпе ĕçлесси – тимлĕхре

ИРТНĔ кунсенче район администрацийĕнче ял тăрăхĕсенчи çамрăксемпе ĕçлекен Канашсен ертÿçисен канашлăвĕ пулса иртнĕ. Унта ытларах ха- лĕччен туса ирттернĕ ĕçсене сÿтсе явнă.

Çамрăксене малашне тата пысăкрах ĕçсем кĕтеççĕ. Çитес вăхăтрах «Атте, анне, эпĕ – спорт çемйи» мероприяти, «Эпĕ – çамрăк анне» видеороликсен конкурсĕ иртмелле.

Канашлура вĕренÿпе çамрăксен политикин пайĕн çамрăксемпе ĕçлекен методисчĕ Э.Филиппова çамрăксемпе студентсене ятарлă стипендисем парас ыйтăва та хускатнă. Çак чыса 14 çултан пуçласа 30 çула çитичченхисем тивĕçĕç.

Канашлу ĕçне район администрацийĕн çул çитмен çамрăксемпе ĕçлекен тата вĕсен прависене хÿтĕ-лекен секретарĕ С.Чегаева хутшăннă, çул çитмен çамрăксем право йĕркине пăснине вырăнсене çитсе тĕрĕслессине пĕлтернĕ.

И.ХУРАСЬКИНА.