Публикации » Алла уссан – ĕç пымасть

ИРТНĔ тунти кун район администрацийĕн пуçлăхĕ В.Фадеев ирттернĕ канашлура район пĕлтерĕшлĕ ыйтусене сÿтсе явнă.

Пĕрремĕш тĕп ыйту – хĕллехи тапхăрта çуртсене, ытти объектсене ăшăпа тивĕçтересси. Район администрацийĕн пуçлăхĕн пĕрремĕш çумĕ В.Никифоров каланă тăрăх, ку тĕлĕшпе чăрмавсем çук – пĕтĕм ĕçсене çу кунĕсенчех 100 проценчĕпех пурнăçланă, юсав ĕçĕсене туса ирттернĕ. Чи малтанах больницăна, ача сачĕсене, шкулсене ăшă пама палăртнă.

Канашлура тирпей-илем ыйтăвĕ те тимлĕхре пулнă. Çакă хамăршăнах лайăх вĕт. Район администрацийĕн пуçлăхĕ çул-йĕре юсас, урамсене каçхи-çĕрлехи тапхăрта çутатса тăрассине лайăхлатас пирки аса илтернĕ.

Юхăннă тата авариллĕ çуртсенче пурăнакансене çĕнĕ хваттерсемпе, çурт-йĕрпе тивĕçтермелли программа мĕнлерех пурнăçланать-ха; Начар мар иккен.

Акă, Шăмăршăрах нумай хваттерлĕ çурт хăпартас ĕç пырать. Унти хваттерсен пĕтĕмĕшле лаптăкĕ 540 тăваткал метр пулмалла. Ĕçе ноябрь уйăхĕнче вĕçлеме палăртнă.

(Хамăр корр.)