Публикации » Красноярск – Универсиада тĕп хули

«Красноярск – Енисей шывĕ хĕрринчи чаплă хула. Унта çĕр-шыври чи пысăк университет пур, аслă шкулта пултаруллă çĕр-çĕр çамрăк вĕренет. Çĕпĕрти ăмăрту студентсен хĕллехи вăййисен историне кĕрсе юласса шанатăп», – тенĕ РФ спорт министрĕ Виталий Мутко ларура. Красноярскра Универсиада ирттерессине Раççей Президенчĕ Владимир Путин та ырланă, вăл ăмăртăва çÿллĕ шайра йĕркелеме шантарнă. Универсиада-2019 Красноярск крайне тата Çĕпĕре аталантарма майсем туса парĕ, çамрăксене спорта илĕртĕ, сывă пурнăç йĕркипе туслисене йышлантарĕ. Ку тăрăхран паллă спортсмен чылай тухнă. Унта спорт объекчĕ те сахал мар, чи пысăкки – Биатлон академийĕ. Кăçал хулара спортăн хĕллехи тĕсĕсен нумай функциллĕ центрĕ çĕкленме тытăннă.