Публикации » Çĕнелчĕ культура центрĕ

Культура учрежденине республика бюджечĕн шучĕпе сасă вăйлатакан, çутă, видеопроекци оборудованийĕпе, музыка произведенийĕсене аранжировка тума пултаракан компьютер техникипе, сцена костюмĕсен комплекчĕпе, сцена каррипе тивĕçтернĕ.

Культура учрежденийĕ çĕнетнĕ йĕркепе ĕçлеме пуçланă ятпа ирттернĕ савăнăçлă пухура район пуçлăхĕ М.Хамдеев, район администрацийĕн пуçлăхĕн çумĕ В.Петьков, Палтиел ял тăрăхĕн пуçлăхĕ К.Сейфутдинов пулчĕç, сăмах каларĕç. Вĕсем учреждение модельлĕ никĕс çине куçарни ял çыннисен, уйрăмах çамрăксен культура пурнăçне, канăвне интереслĕрех йĕркелеме май панине палăртрĕç. Мероприяти ялти сцена ăстисен концерчĕпе вĕçленчĕ.

В.ЛЬВОВА, районти культура аталанăвĕн центрĕн директорĕ.