Публикации » Никам та парăнасшăн пулмарĕ

Яшсемпе хĕрсем тĕрлĕ конкурссенче вăй виçрĕç: «Çĕнĕ çул саламĕ», «Шăпăрпа вĕçесси», «Спорт туртăмĕ», «Çунашкапа ярăнасси», «Хаваслă хоккей», «Кăçатă вĕçевĕ» тата «Пăлансемпе чупасси».

Конкурссем, тÿрех каламалла, çивĕч те пĕр тан кĕрешÿре иртрĕç: никам та пĕр-пĕрне парăнасшăн, хăйĕ-нчен ирттересшĕн пулмарĕç. Анчах мĕн тăван – йĕрки çапла: призлă вырăнсем шутлă кăна, вĕсем чи вăйлисене тивĕçеççĕ. Хальхинче те çаплах пулчĕ. Пĕрремĕш вырăнта – Кивĕ Чукал ял тăрăхĕн «Асатте мăнукĕсем» команди, васансен «Парне мар» тата палтиелсен «Юр пĕрчи» командисем – иккĕмĕшпе виççĕмĕш.

Çĕнтерÿçĕсем Грамотăсемпе пылак призсене тивĕçрĕç. Пуриншĕн те чи хакли вара – Çĕнĕ çул умĕнхи савăнăçлă киленÿ.