Публикации » Иккĕленÿ çук

2014 çул – Раççейри Культура çулталăкĕ. Çавна май эпĕ Чăваш Республикин Пуçлăхĕ çак сфера пирки каланă йĕркесене уйрăмах тимлĕн вуласа тухрăм. «Чăваш Республикин хальхи вăхăтри культура политикин тĕп тĕллевĕсенчен пĕри вăл – çынна пултарулăх тĕлĕшĕнчен ÿсме, хăйĕн ăс-хакăлне аталантарма условисемпе майсем туса парасси», – палăртнă Çырура. Çак сăмахсем ĕçпе çирĕпленнине эпир, культура ĕçченĕсем, туйсах тăратпăр. Юлашки çулсенче кăна акă ялсенчи культурăпа кану центрĕсенчен виççĕшне тата районти культура аталанăвĕн центрне модернизациленĕ. Вĕсене бюджет укçипе юсаса çĕнетнĕ, сĕтел-пуканпа, хальхи çутă-сасă оборудованийĕпе, компьютерпа, сцена костюмĕсемпе пуянлатнă. Пархатарлă ĕç малалла та пĕр тикĕс пырасси пирки иккĕленÿ çук.

А.ПЕТРОВА, районти организаципе методика центрĕн ертÿçи.